చేజారెను గతమంతా వృధా వృధా
గడిచిపోయె బ్రతుకంతా నిస్సరముగా
దిక్కునీవె సాయి నాకు వేరెవరూ లేరుగా
మ్రొక్కగ నీవొక్కడివే కరుణింతువుగా –సాయి కరుణింతువుగా
సాయిరాం సాయిరాం సాయిరాం సాయిరాం

విననీయి చెవులారా నీ నామగానం
కననీయి కనులారా నీ దివ్య రూపం
అననీయి నోరారా నీ నామ భజనం
కొలవనీయి మనసారా సదానిన్నే సాయిరాం  ||చేజారెను||

ఎత్తుకుంటా సాయి పుత్రునివై జన్మిస్తే
హత్తుకుంటా ఎదకు నేస్తమై నువు వస్తే
చేసుకుంటా సేవ గురుడివై కరుణిస్తే
చేరుకుంటా నిన్ను సద్గతిని నడిపిస్తే  ||చేజారెను||

భోగభాగ్యాలను ప్రసాదించ మనలేదు
ఐహిక సౌఖ్యాలను నే వాంఛించలేదు
జీవితమే సాయి నీకు కైంకర్య మందును
కైవల్య పదమె నాకు దయచేయమందును   ||చేజారెను||