గజవదనా గౌరీ నందన
అనుదినమూ నిను పూజింతుమురా

సృష్టి స్థితిలయ కారకుడవు
విద్యలకెల్లను ఆదిదేవుడవు
చేసిన తప్పులకు గుంజీలు తీసేము
కుడుములుండ్రాళ్ళు నైవేద్యమిచ్చేము || గజవదనా ||

నూటొక్క టెంకాయ మేకొట్టలేము
నూటొక్క పూజల మేచేయలేము
కన్నీట నీ పాదాలు కడిగేము
చేతులు జోడించి ధ్యానింతుము  || గజవదనా ||

ఏ పనికైనా ముందుగ నిన్నే తలచేము 
మోరయా కావుమని నోరార పిలిచేము
దేవతలు కొలిచేటి దేవుడవు నీవు
భక్తులపాలిటి కల్పతరువువు  || గజవదనా ||